Murabaha

Murabaha, müştərinin almaq istədiyi malın və ya avadanlığın Adil Finans tərəfindən təyin edilmiş vəkil vasitəsilə satın alınaraq, əvvəlcədən razılaşdırılmış mənfəət əlavə edilməklə müştəriyə satılması prinsipinə əsaslanır. Bu prosesin İslami maliyyə qaydalarına uyğun həyata keçirilməsi üçün aşağıdakı şərtlər tələb olunur:

1. Alınacaq məhsul halal və qanuni olmalıdır

Murabaha yalnız İslam qaydalarına uyğun olan məhsul və xidmətlər üçün tətbiq edilir. Qanunla qadağan olunmuş və ya dini baxımdan uyğun olmayan sahələrdə ticarət aparılmır.

2. Məhsul dəqiq müəyyən edilməlidir

Müştəri almaq istədiyi məhsulun növünü, xüsusiyyətlərini, qiymətini və təchizatçısını dəqiq təqdim etməlidir.

3. Məhsul əvvəlcə Adil Finansın təyin etdiyi vəkil tərəfindən alınır

Murabaha əməliyyatında Adil Finansın təyin etdiyi vəkil məhsulu satıcıdan öz adına satın alır və mülkiyyətinə keçirir. Daha sonra həmin məhsulu müştəriyə satır.

4. Satış qiyməti əvvəlcədən məlum olur

Məhsulun alış qiyməti və Adil Finansın mənfəəti şəffaf şəkildə müştəriyə açıqlanır. Əgər müştəri beh verəcəksə beh məhsulun qiymətindən çıxılıb hesablanır.

5. Ödəniş qrafiki razılaşdırılır

Müştəri məhsulun dəyərini birdəfəlik və ya hissə-hissə ödəyə bilər. Ödəniş müddəti və məbləğlər müqavilədə əvvəlcədən müəyyən edilir.

6. Tələb olunduqda təminat təqdim edilə bilər

Müqavilənin icrasını təmin etmək məqsədilə minimum 2 kəfil tələb edilir.